ژنان: بەبۆنەی ٢٥ی نۆڤەمبەر رۆژی جیهانی بەرەنگاربوونەوەی توندوتیژی کۆبوونەوەیەک لەلایەن ئەندامانی یەکیەتیی ژنان لە چیاکانی کوردستان بەڕێوەچوو.

بە گوێرەی هەواڵی گەیشتووە ماڵپەری ژنان، رۆژی یەکشەممە ٢ی سەرماوەز لەلایەن کچان و ژنە پێشمەرگەکانی دوو کۆمیتەی“ ژنانی پێشەنگ“ و ”کچانی ڕاسان“ بەڕێوەچوو.

لەم کۆبوونەوەدا پێنج کچ لە پێشمەرگەکانی هێزی تایبەتی حدکا و ئەندامانی یەکیەتیی ژنانی دێموکراتی کوردستان ئێران چەند مژاریان بۆ بەشداربوانی کۆبوونەوەکە شی کردەوە.

هاورێیان کوێستان محەمەدی لەسەر تەوەری (جۆرەکانی توندوتیژی)،  میدیا زاهیری لەسەر تەوەری (مانای توندوتیژی) ، ئەوین یوسفی لەسەر تەووەری (مێژوی ٢٥ی نۆڤەمبەر) ، شنۆ چایچی لەسەر تەوەری (کۆمەڵگەی پێشکەوتو و بەشداری ژنان لە ڕاساندا) و هەروەها دڵنیا وەیسی لەسەر تەوەری( کاریگەری خراپی نەریتەکان لە سەر کۆمەڵگا و چۆنیەتیی بەرەنگاربوونەوە لەگەڵیان) بەڕێوەبەرانی ئەم کۆبوونەوە بوون.