یەکیەتی ژنانی دێموکڕاتی کوردستانی ئێران کومیتەی ئاڵمان یادی شەهیدانی میکۆنۆسی بەرز ڕاگرت

یەکیەتی ژنانی دێموکڕاتی کوردستانی ئێران کومیتەی ئاڵمان یادی شەهیدانی میکۆنۆسی بەرز ڕاگرت

ژنان: بە پێی هەواڵی گەیشتوو بە ڕۆژی پێنجشەممە ٢٧ی خەرمانان، بە بۆنەی بیست و هەشتەمین ساڵوەگەری کارەساتی تیرۆری ڕێبەری لێهاتووی گەلەکەمان کاک دوکتور سادق شەرفکندی و هاوڕێیانی لە شاری بێڕلین پایتەختی وڵاتی ئاڵمان لە لای مێنۆمێنتی شەهیدانی میکۆنۆس کۆبوونەوەیێکی جەماوەری  بە بەشداری ئەندامانی یەکیەتیی ژنان ،لایەنگرانی حیزبی دێموکڕاتی کوردستانی ئێران و لایەنە سیاسی حیزبی و کەسایەتییە کوردستانی و ئێرانیەکان پێک هات و پەیمان و بەڵێنیان لەگەڵ شەهیدانی میکۆنۆس تازە کردەوە کە درێژەدەری ڕێگا و ڕێبازیان بن.
 

 لەم کۆبوونەوەدا یەکیەتی ژنانی دێموکڕاتی کوردستانی ئێران بە سەرپەرەشتی خاتوو فەرزانەی ڕەزەوی بەرپرسی کومیتەی یەکیەتیی ژنانی دێموکراتی کوردستانی ئێران لە وڵاتی ئاڵمان بەشداری ئەو کۆبوونەوەیان کرد و پەیامی ئەو ڕێکخراوەی خوێندەوە دەقی پەیامەکە بەم چەشنەی خوارەوەیە :

پەیامی یەكیەتی ژنانی دێموكراتی كوردستانی ئێران بە بۆنەی 28 مین ساڵۆگەری تیرۆری میكۆنۆس

بەشدار بووانی بەڕێز
ئەمڕۆ لە دەوری یەكتر كۆبووینەتەوە تا لە 28 مین ساڵۆگەڕی تیرۆری شەهیدانی میكۆنۆس، شەهید دوكتۆر سادقی شەرەفكەندی و هاوڕێیانی پەیمانی وەفاداری لە گەڵ رێباز و ئامانجەكانیان نوێ بكەینەوە.28 ساڵ لەمەوپێش لە قولآیی دڵی ئۆروپای دێموكراتیكدا، نێردراوانی تێرۆریستی رێژیمی كۆماری سێدارە و تیرۆر، بزووتنەوەی كوردستانیان لە رێبەرێكی بلیمەت ، تێگەیشتوو ، ئاكادمیێكی خاكەڕا و بوێڕ  و نیشتمانپەروەریان بێ بەش كرد.

شەرەفكەندی ئیرادەی شۆڕش و رێكخەر و رێبەرێكی دەگمەنی بزووتنەوەی كوردستان و حیزبی دێموكرات بوو. رێبەرێك بوو كە دوای تیرۆری د. قاسملوو  نەیهێشت ئەو كۆسپە گەورە ، حیزب لە ئەكتیڤ بوون و چالاكی لە قوولآیی دڵی كوردستان و دیپلۆماسی دەرەوە بخات.

هەر بۆیە دزگای تیرۆری رێژیم ، دڵە پاك و بێگەردەكەی لە دڵی ئۆرووپای دێموكراتیكدا خەڵتانی خوێن كرد.
ئاواتی شەرەفكەندی بەرینتركردنەوەی پانتایی خەباتی حەقخوازانەی كوردستان، بەشداری هەمووان و پەروەردەی نیشتمانپەروەرانەی مندالآنی كوردستان تا وەدیهاتنی ئامانجە رەواكانی گەلی كورد بوو. بەڵێن بێت تا دوا هەناسە رێبواری ئەو رێگە بین و وانەكانی دكتۆر شەرەفكەندی و رێبەرانی دیكەی شەهیدمان رێ نیشاندەری خەباتمان بێت.

لێرەوە سلآو دەنێرین بۆگیانی پاكی شەهیدانی میكۆنۆس د. شەرەفكەندی، هومایۆنی ئەردەلآن، فەتاح عەبدۆلی و نووری دهكۆردی و گشت شەهیدانی بزووتنەوەی كوردستان و خۆمان بە درێژەدەری رێگایان دەزانین.