شێعرێک بۆ ژنی کورد

شێعرێک بۆ ژنی کورد

ژنی کورد .!


ژنانی کورد !
نە وەک ژنانی عەرەبن
نە وەک ژنانی تورکن
نە وەک ژنانی عەجەمن
نە وەک ژنانی ئەمریکا و
نە ئورووپا و
نە جیهانن .!

ژنانی کورد
پێشمەرگەن و
پارێزەری کوردستانن.!

کچی کورد زەعیفە نییە
شۆڕشگێڕە
وەک هەر پیاوێ.!

فێسو لەچکی داماڵیوە و
مەیکاب و
سووراوی ناوێ.!

لە باتی قەڵەمی چاوی
پێنووسی شۆڕش هەڵدەگرێ

لە پێناوی ئازادیدا
بۆ گەل و
نیشتمان دەمرێ.!

ژنی کورد زەعیفە نییە
خەباتکار و
قارەمانە.!

لەوەتەی کە شۆڕش هەیە
لە سەنگەری بەرخۆدانە
بۆ ڕزگاری نەتەوەکەی
چەکی شەرەفی لە شانە.!

عارف عزیزی