بەشداری یەکیەتی ژنانی دێموکراتی کوردستان لە کۆبوونەوەی هێزە کوردستانیەکان لە وڵاتی بلژیک

بەشداری یەکیەتی ژنانی دێموکراتی کوردستان لە کۆبوونەوەی هێزە کوردستانیەکان لە وڵاتی بلژیک



یەکیەتیی ژنانی دێموکراتی کوردستان ئێران لە کۆبوونەوەی هێزە کوردستانیەکان بەشداری کرد.

 

بە پێی هەواڵی گەیشتوو بە ماڵپەری ژنان، رۆژی شەمە رێکەوتی ۱۲ی ئۆکتۆبری ۲۰۱۹ی هەتاوی خاتوو ناسک نەسیریزادە بەرپرسی کومیتەی ژنانی حیزبی دیموکرات لە بلژیک بەشداری لە کۆبونەوەییکی نوێنەرایەتی و کومیتەکانی پارت و هێزە کوردستانیەکانی وڵاتی بلژیک کرد

 

ئەو کۆبوونەوە، بە مەبەستی ئامادە کاری و هاوکاری هەرچی زیاتری کار و چالاکیەکانی رەوەند و پارتەسیاسیەکانی هەرچوار بەشی کوردستان لەمەڕ مەحکوم کردن و شەرمەزار کردنی هێرشی دڕندانەی دەوڵەتی تورک بۆ سەر رۆژئاوای کوردستان پێک هاتبوو .


لەم کۆبوونەوە لەسەر هاوهەڵوێستی حیزبەکان لەسەر مەحکووم کردنی هێرشی تورکیە بۆ رۆژئاوای کوردستان جەخت کرایەوە.
 

لایەنە بەشدار بووەکانی ئەو کۆبوونەوە بریتی بوون لە کومیتەی حیزبی دیموکراتی کوردستانی ئێران لە وڵاتی بلژیک، کومیتەی پارتی یەکیەتی دیموکراتی کورد لە سوریە، لێژنەی ناوچەی پارتی دیموکراتی کوردستان لە بەلژیک، کومیتەی پارتی یەکیەتی دیموکراتی کوردستان pyd، کومیتەی پارتی دیموکراتی کورد لە سوریە ،کومیتەی پارتی پێشڤەرۆی کورد لە سوریە ،کۆمیتەی پارتی سۆسیالیستی کوردستانی باکور .